காதல்">காதல் முத்தம்">முத்தம்….

முத்தங்கள்..
இதழ்கள் பேசும்
தேன் மொழியா?
இல்லை..
கனி மொழியா?.

காதல் பேசும்..
தாய் மொழியும்..
முத்தம்தான்.

காமம்">காமம் பேசும்..
முதல் மொழியும்..
முத்தம்தான்.

முத்ததின் மொழி..
மௌன மொழியா?
இல்லை..
வெட்க மொழியா?

என்னைப் போலவே..
உனக்காய்..
காத்திருக்கிறது..
என் முத்தங்களும்..

ஒரு விடுமுறை நாளில்…
வீடு வந்தாய்..
உள் முற்றத்தில்..
ஓடியவளை..
ஓர் நொடியில்..
இழுத்தணைத்து..
ஆளரவம் கேட்கும் முன்பே..
அவசர அவசரமாய்..
ஓடி மறைந்தாய்..

துவங்கி.. முடிக்காத
அரைகுறை முதல் முத்தம்..

சின்னதாய் ஒரேயொரு முத்தம் கேட்கிறாய்..
எனக்கு தெரியாதா..
ஒரு சின்ன முத்தத்தையும்..
பெரிய முத்தமாக்கும் வித்தை தெரிந்தவன் நீ..

எந்த முத்தம் இனிமையானது?
இதுவரை நீ கொடுத்துப்போன முத்தங்களா?
இல்லை
இனிமேல் நீ கொடுக்கப்போகும் முத்தங்களா?