இரண்டு முறை பிறந்தேன்..

என் தாய் மடியில்.. ஒருமுறை

உன் முதல் பார்வையில்.. மறுமுறை.

உன் வருகைகளே..

என் வயதை நிர்ணயித்தது..

உன் வருகைக்குப் பின்புதானே..

என் தேசத்தில் வசந்த காலம்..

என் பிறந்த நாளுக்காய்..

நீ ஊதி கட்டிய பலூனைக்கூட

இன்னும் உடையாமல்..

பத்திரமாய்..பாதுகாத்து.. வைத்திருக்கிறேன்..

உள்ளிருப்பது..

உன் மூச்சன்றோ??

ஒவ்வொரு பிறந்த நாளிலும்

நீ கவிதையுடன்..

காதல் நிரப்பி அனுப்பிய..

அந்த வாழ்த்து அட்டைகளை..

புத்தகத்து மயிலிறகாய்..

பெட்டியில் வைத்து..

ஒரு பள்ளிச்சிறுமியைப் போல..

தினமொருமுறை திறந்து பார்த்து குதூகலிக்கிறேன்..

என் செல்லக்காதலா..

உன் கவிதைகளுக்காகவே..

மறுபடியும்..

மறுபடியும்..

பிறக்கலாம்..

உலகில் பிறந்தது தவம்..

அது..

உனக்கெனப் பிறந்தது வரம்..

பூஜையறையில்..

அம்மாவுக்கு..

சுப்ரபாதம்..

எனக்கு…

நீ எழுதிய காதல்">காதல் கடிதம்..

பொருந்தா காதல்..?

ஊசிக்கும்…

பலூனுக்கும்…

உறவு.

கவலையுடன்…

காற்று.

நீ..
அழகையும் அழகையும்..
கூட்டி..
கடவுள்">கடவுள் செய்த..
அழகுக் கூட்டல்.

நீ..
தேவதைகள் செய்ய
பிரம்மன் படைத்த..
மாதிரி தேவதை.

நீ..
அவைகளின் இனமாம்..
ரோஜாவும் மல்லிகையும்..
வழக்கு தொடுத்திருக்கிறது..
தங்களையும் அந்த அழகுப் பட்டியலில்
சேர்க்கச் சொல்லி.

நீ..
வாசலுக்கு அடிக்கடி..
வந்து போவதால்..
புலம்புகிறது நந்தவனங்கள்..
வண்டுகள் வந்து நாளாயிற்றாம்.

கொஞ்ச நேரம் வீட்டிற்குள் செல்லேன்..
உன் வாசல் சுற்றும் வண்டுகள்..
மறுபடியும் நந்தவனம் சுற்றட்டும்..

நீ..
நகர்வலம் போகிறாய்..
இலையுதிர் காலத்திலும்..
பூத்துக்குலுங்கும் சாலையோர மரங்கள்..

நீ..
எடை குறைக்க.. சென்ற
நடை பயணத்தில்..
எடையேறின பூங்காவின் பூக்கள்..

நீ..
சுவாசித்ததால்..
தென்றலாய் ஆனது புயல் காற்று…

நீ..
பேசுகிறாய்..
பேசும் பூவைக் கண்டு..
இமைக்க மறந்தன பூக்கள்..
வாயடைத்து நிற்கின்றன வண்டுகள்..

நீ..
தொட்டால்..
விரிகிறது தொட்டாச்சிணுங்கி..

நீ..
பேசும் சங்கீதத்தை..
எப்பொழுது கற்றுத்தருவாய்..
உன் வீட்டு மரக்கிளையில் தவமிருக்கும்
அதிகாலை குயில்கள்..

நீ..
குளக்கரையில்.
குளிக்க வந்ததாய் எண்ணி..
குதூகுலிக்கிறது குளம்..

நீ..
குளித்துவிட்டு வந்து ஆடைப்பெட்டி
திறக்கையில்
என்னைக் கட்டிக்கோ..
என்னைக் கட்டிக்கோ..
கேட்கிறதா புடவைகளின் கெஞ்சல்கள்?

நீ..
முகம் பார்க்கையில்..
வானமாகிவிடுகிறதடி..
கண்ணாடி..

நீ..
பூமியில் இருப்பது..
சூரியனுக்கும் தெரிந்துவிட்டதோ?
பாவம் 24 மணி நேரமும் பூமியை சுற்றுகிறது..

நீ..
இன்று குடை மறக்கவேண்டுமாம்..
மழையின் பிரார்த்தனை..

உன் பிறந்த நாளை..
அகில உலக அழகு">அழகு தினமாய்..
இன்னும்..
அறிவிக்காததை கண்டித்து..
கண்டம் விட்டு கண்டம்..
கண்டனப் பேரணி செல்லும் பறவைகள்..

உன்னையும் காதலையும் அல்லாமல்..
நான் கவிதை">கவிதை எழுதவேண்டுமாம்…

நீயும் காதலும் இல்லாமல்..
நானே இல்லை என்பதை
எப்படி இவர்களுக்கு புரியவைப்பது?